Read in English.
L-Arċisqof Charles Scicluna qed jirrifjuta li jwieġeb il-mistoqsijiet dwar jekk hux beħsiebu jieħu xi passi fil-konfront ta’ Alfred Camilleri, wieħed mill-konsulenti finanzjarji tal-Kurja li issa qed jaffaċċja għadd ta’ akkużi fil-Qorti.
Camilleri, li sa ftit snin ilu kien jokkupa l-ogħla kariga taċ-ċivil fil-ministeru tal-finanzi, qed jiġi akkużat bi frodi u li ma qediex id-doveri tiegħu, fost akkużi oħrajn, wara li għadha kif intemmet l-Inkjesta Maġisterjali dwar il-ftehim frawdulenti tal-isptarijiet ma’ Vitals/Steward.
Alfred Camilleri, ta’ 64 sena, hu wieħed mill-membri tal-kumitat finanzjarju tal-Kurja li, flimkien mal-Arċisqof, jieħu l-aktar deċiżjonijiet finanzjarji importanti għall-Kurja.
Camilleri u żewġ persuni oħra miċ-ċivil, l-eks segretarju permanenti tal-ministeru tas-saħħa (illum irtirat) Joseph Rapa u s-segretarju permanenti attwali fil-ministeru tal-ekonomija Ronald Mizzi, qed jiġu akkużati li għalqu għajnejhom meta kien qed jitfassal il-ftehim multimiljunarju mal-Vitals.
Dak iż-żmien meta sar il-ftehim, Alfred Camilleri kien ċaħad li kien jaf x’qed jiġri.
Hu kien ukoll fuq il-bord tad-diretturi ta’ Projects Malta – l-entità governattiva li kien uża l-eks ministru diżonorat Konrad Mizzi biex jinnegozja u jiffinalizza l-ftehim ma’ Vitals Global Healthcare, li mbagħad ingħadda f’idejn Steward Healthcare.
Camilleri hu wkoll membru fil-bord tad-diretturi ta’ żewġ kumpaniji elenkati li huma proprjetà tal-Grupp Corinthia u ċ-Chairman maħtur mill-gvern tal-Orkestra Filarmonika Nazzjonali.
Żewġ isqfijiet, żewġ reazzjonijiet differenti
Malli ħarġet l-aħbar li Joseph Rapa kien se jittella’ l-qorti, l-Isqof t’Għawdex Anton Teuma talab biex Rapa — li kien ir-rappreżentant tad-Djoċesi Għawdxija fuq il-bord tad-diretturi tal-APS — jitneħħa mill-ħatra b’effett immedjat.
Madankollu, mhux l-istess kienet id-deċiżjoni tal-Arċisqof ta’ Malta fil-konfront ta’ Alfred Camilleri b’rabta mal-pożizzjoni tiegħi fuq il-kumitat finanzjarju tal-Kurja.
L-uffiċċju tal-komunikazzjoni tal-Kurja baqa’ ma weġibx il-mistoqsijiet li għamillu The Shift dwar jekk Camilleri kienx offra r-riżenja tiegħu.
L-Arċisqof Scicluna bħalissa qed iwettaq negozjati sensittivi mal-gvern dwar il-kumpens finanzjarju għall-proprjetà tal-Knisja li kienet ingħaddiet f’idejn il-gvern għal tletin sena fl-1993.
Sign up to our newsletter Stay in the know
"*" indicates required fields
Jeffrey Pullicino Orlando se jsir ambaxxatur għall-Irwanda
Is-sejħa tax-Chalet ordnata tkompli għax il-gvern kiser ir-regoli tal-evalwazzjoni
Is-CEO Steve Ellul jaħtar lil oħt il-mentor tiegħu ma’ Infrastructure Malta
Tinħareġ notifika ta’ infurzar fuq id-dikjarazzjonijiet tal-assi li qed jaħbi l-PM
Other News
Jeffrey Pullicino Orlando se jsir ambaxxatur għall-Irwanda
Is-sejħa tax-Chalet ordnata tkompli għax il-gvern kiser ir-regoli tal-evalwazzjoni
Is-CEO Steve Ellul jaħtar lil oħt il-mentor tiegħu ma’ Infrastructure Malta
Tinħareġ notifika ta’ infurzar fuq id-dikjarazzjonijiet tal-assi li qed jaħbi l-PM
Il-kripta tal-Konkatidral: evidenza konvinċenti li tixħet dubji fuq id-deċiżjoni tal-Kummissarju tal-Ippjanar
It-tisbiħ tal-pjazza ta’ Buġibba: minn €1.7 miljun għal €10.6 miljun
Il-perita mressqa fuq it-traġedja ta’ Jean-Paul Sofia tingħata xogħlijiet ġodda mil-Lands
Il-perspettiva legali: Għalfejn il-Qorti tal-Appell ordnat lil Allied Newspapers tħallas €171,000 lil ġurnalist għal tkeċċija inġusta
Eks uffiċjal għoli tal-ħabs ġiet trasferita lejn il-Kunsill ta’ JPO b’kuntratt ta’ €61,000 fis-sena
‘Tentattiv iddisprat biex ikun hemm min jiskansa l-ħabs’ – Bonello dwar l-emenda tal-inkjesti maġisterjali
Konsulent tal-ARMS qed ‘jgħin’ lill-klijenti bil-kontijiet mhux imħallsin minn ġol-Kwartieri tal-Labour
L arcisqof m ghadux jikritika lil gvern bhal ma kien jaghmel min mindu l gvern tah 5 miljuni ghar restawr tal knejjes! Min ghandu widnejn u ghajnejn jisma l omeliji tieghu w jinduna wahdu! Tal blih! ANke dan inxtara! Kif spiccajna!!