The Shift jisfratta l-attentat ta’ Heritage Malta biex taħbi s-serq mill-Palazz tal-Gran Mastru

Read in English.

Meta The Shift talab lil Heritage Malta biex tispjega l-għejbien ta’ vażuni u arloġġ ta’ valur mill-Palazz tal-Gran Mastru waqt il-ħinijiet tal-ftuħ aktar kmieni din il-ġimgħa, Heritage Malta daret fuq TVM biex tħabbar is-serqa li kienet żammet mistura għal bosta żmien, hekk kif intebħet li ma setgħetx tostorha iżjed.

The Shift skopra li waqt il-ħinijiet tal-ftuħ tal-avveniment biennale li għaddej bħalissa nserqu tliet vażuni tal-majolika u arloġġ, li lkoll għandhom valur storiku,  meta kienu f’kamra ċkejkna ħdejn il-Green Room fl-ewwel sular tal-Palazz.

Għalkemm iċ-Chairman ta’ Heritage Malta Mario Cutajar u s-CEO Noel Zammit ġew infurmati minnufih, dawn għażlu li ma jħabbru xejn dwar din it-tieni serqa ta’ patrimonju kulturali f’xahrejn.

Imbagħad, meta kkuntattjat ilbieraħ filgħodu minn The Shift u mitlub jikkonferma s-serqa, is-CEO Noel Zammit issammat. Qalilna, “Bħalissa qed insuq u qiegħed waqt laqgħa. Please ibagħtuli email.”

Ir-rapport tas-serqa mbagħad deher fuq TVM filwaqt li l-mistoqsijiet ta’ The Shift baqgħu ma tweġbux.

Is-CEO ta’ Heritage Malta Noel Zammit.

Filwaqt li kien konxju ferm li l-attentati ta’ Heritage Malta biex tostor is-serqa issa kienu waslu għand The Shift, Zammit ħareġ stqarrija qasira permezz tal-PBS, il-mezz tal-propaganda tal-gvern, biex iħabbar li l-pulizija kienu qed jinvestigaw serqa.

Fl-istqarrija tiegħu, li lanqas biss intbagħat lil The Shift, Zammit ikkonferma li kienu nsterqu artifatti storiċi mill-Palazz tal-President u li kienu ssejħu l-pulizija biex jinvestigaw.

Madanakollu, Zammit ma semma xejn dwar meta saret din is-serqa, u meta effettivament sar ir-rapport lill-pulizija.

Din is-serqa ta’ wirt kulturali mill-Palazz tal-Presidenti kienet it-tieni waħda f’xahrejn. Ix-xahar l-ieħor sparixxew żewġ midalji tad-deheb mill-Mużew Marittimu tal-Birgu.

Il-midalji mill-era Franċiża li nsterqu mill-Mużew Marittimu ta’ Heritage Malta fil-Birgu.

Dakinhar, Heritage Malta kienet ħarġet biss stqarrija għall-istampa meta l-għada li kienet ġrat is-serqa ġie arrestat ir-raġel li kien seraq il-midalji.

                           

Sign up to our newsletter

Stay in the know

Get special updates directly in your inbox
Don't worry we do not spam
                           
                               
Subscribe
Notify of
guest

0 Comments
Inline Feedbacks
View all comments

Related Stories

Il-linja nazzjonali l-ġdida ffriżat il-pagi għal erba’ snin
Read in English. L-impjegati kollha tal-KM Malta Airlines, inkluż
L-Arċisqof sieket dwar akkużi li qed jaffaċċja membru fil-kumitat finanzjarju tal-Kurja
Read in English. L-Arċisqof Charles Scicluna qed jirrifjuta li

Our Awards and Media Partners

Award logo Award logo Award logo