Eks ministri veterani jirċievu l-eluf tal-ewro kull sena bħala ‘mibgħuta speċjali’ tal-PM

Read in English.

Il-Prim Ministru Robert Abela qed iħallas għexieren tal-eluf tal-ewro fis-sena minn flus il-poplu lil żewġ eks ministri Laburisti, issa għandhom fuq is-sebgħin u fuq it-tmenin sena, biex jaġixxu bħala “mibgħuta speċjali” tiegħu, u dan allavolja ma ngħataw l-ebda kompitu reali speċifiku xi jwettqu.

L-eks ministru Joe Debono Grech ta’ 85 sena, li rtira mill-politika fl-2017 wara li qatta’ 50 sena fil-parlament, għadu impjegat fulltime u qed jirċievi €40,000 fis-sena permezz ta’ kuntratt għal kariga ta’ fiduċja li ngħata mal-prim ministru.

Il-kuntratt li ngħadda lil The Shift wara talba tal-libertà għall-informazzjoni (FOI) juri li Debono Grech jirċievi wkoll karozza mħallsa b’kollox, xufier u ħlasijiet għall-mowbajl. Jirċievi wkoll onorarja addizzjonali bħala membru tal-bord tal-kumpanija governattiva, il-Gozo Channel.

Min-naħa l-oħra, anki Louis Grech ta’ 76 sena u li sal-2017 kien id-deputat tal-eks prim ministru diżonorat Joseph Muscat, hu konsulent ta’ Robert Abela u qed jitħallas madwar €60,000 fis-sena permezz ta’ kuntratt li jiġġedded kull tliet snin.

Anki Grech qed jissejjaħ “mibgħut speċjali”, iżda b’differenza mill-kollega tiegħu Debono Grech, mhuwiex marbut ma’ impjieg fiss ta’ 40 siegħa fil-ġimgħa.

Minflok, il-kuntratt ta’ Grech jiddikjara li jeħtieġ jaqdi doveri “kif mitluba mill-prim ministru fuq varjetà ta’ oqsma, fosthom l-Affarijiet Ewropej.”

Il-ħajra għall-ħajja politika ta’ Grech waslet ferm aktar tard matul ħajtu minn dik ta’ Debono Grech. Wara li qatta’ ħajtu fin-negozju u fl-ogħla karigi tal-eżekuttiv tal-kumpanija issa falluta l-Air Malta, hu kien ikkontesta l-elezzjoni tal-MEPs fl-2004 malli Malta ssieħbet fl-UE.

Wara li Muscat keċċa lid-deputat mexxej Laburista ta’ dak iż-żmien, illum l-Ispeaker tal-Parlament, Anġlu Farrugia, lejliet l-elezzjoni tal-2013, Grech kien inħatar ministru minnufih malli l-Labour ħa l-poter f’idejh u eventwalment irtira fl-2017.

Minbarra r-remunerazzjoni tagħhom mingħand il-gvern għall-kariga tagħhom bħala mibgħuta speċjali, it-tnejn jirċievu żewġ pensjonijiet differenti kull wieħed.

Apparti l-pensjoni regolari mingħand l-Istat li tingħata liċ-ċittadini Maltin eliġibbli, Debono Grech u Grech jirċievu wkoll pensjoni oħra riżervata esklussivament għall-eks membri tal-kabinett.

Din it-tieni pensjoni privileġġjata m’għandhiex limitu u tiddependi fuq is-salarju attwali tal-ministri tal-gvern. Għalhekk tlaħħaq mal-€40,000 fis-sena.

Permezz ta’ dan l-introjtu tagħhom minn tliet għejun, dawn iż-żewġ politikanti veterani Laburisti jiksbu qrib il-€100,000 fis-sena kull wieħed.

                           

Sign up to our newsletter

Stay in the know

Get special updates directly in your inbox
Don't worry we do not spam
                           
                               
Subscribe
Notify of
guest

2 Comments
Oldest
Newest Most Voted
Inline Feedbacks
View all comments
Toni Borg
Toni Borg
1 month ago

They can hardly walk or talk and yet, they continue to milk the treasury!!!

How can ever Labour accuse anyone else of corruption?????

Carlos Dimech
Carlos Dimech
1 month ago

U jien ghandi pensjioni CAPPED

Related Stories

Gaffarena jitlef kawża ta’ ‘ksur tad-drittijiet tal-bniedem’ dwar żvilupp illegali
Read in English. Mark Gaffarena – il-persuna fil-qalba tal-iskandlu
Id-deckchairs fuq Kemmuna: il-ministru joħroġ it-tielet estensjoni mingħajr sejħa
Read in English. Minkejja l-wegħdi li kien se jieħu

Our Awards and Media Partners

Award logo Award logo Award logo