Il-ftuħ tal-pixxina l-ġdida tant mistennija – kbira daqs il-pixxini tal-Olimpjadi – li qed tinbena biswit il-faċilità sportiva tar-Rabat Għawdex, reġa’ qed jiġi pospost peress li l-bini tagħha qed iġarrab dewmien kbir filwaqt li l-infiq tal-proġett qed jaqbeż bil-bosta l-baġit li kien allokat fil-bidu.
Il-proġett oriġinarjament kien tressaq fuq il-mejda tal-Kamra fl-2012 iżda matul dawn is-snin inbidel u ddewwem diversi drabi. Fil-passat, il-Ministru għal Għawdex Clint Camilleri kien wiegħed li l-pixxina kienet se tinfetaħ fl-2021, iżda meta kien ġie mistoqsi mill-eks Membru Parlamentari Nazzjonalista Joe Ellis f’Ottubru ta’ dik is-sena, Camilleri kien qal li l-pixxina kienet se tinfetaħ f’Ottubru 2022.
Madankollu issa, f’Ottubru 2023, meta mistoqsi minn Alex Borg, il-Kelliem Nazzjonalista għal Għawdex, dwar id-data meta mistenni jitlesta dan il-proġett, il-Ministru Camilleri qal li l-proġett jinsab fil-‘fażi finali’ tiegħu iżda se jitlesta f’Ġunju 2024.
F’Ottubru 2021, il-Ministru għal Għawdex kien qal lill-Parlament li l-proġett kien se jibda jintuża f’Ottubru 2022.
Din is-sensiela ta’ posponimenti kienet tfisser ukoll li l-pixxina qabżet data oħra meta kellha titlesta u l-intenzjoni tagħha li tintuża għal-Logħob tal-Pajjiżi ż-Żgħar fir-rebbiegħa li għaddiet.
Il-bini tagħha beda sitt snin ilu, fl-2017, meta l-offerta ngħatat lil PoliExcel Ltd li dak iż-żmien kienet sħubija bejn Charles Polidano magħruf bħala ċ-Ċaqnu u kumpanija Torka li kienu involuti fiha l-kuntrattur ewlieni Għawdxi Joseph Portelli u soċji tiegħu.
Aktar tard, Mark Agius magħruf bħala ta’ Dirjanu kien irreżenja mill-bord tal-kumpanija.
Għall-bidu, il-proġett kien stmat xi €9 miljun. Madankollu, minflok iffoka fuq il-bini tal-pixxina biswit il-kumpless sportiv Għawdxi, il-proġett spiċċa nbidel f’rinovazzjoni sħiħa tal-kumpless u miegħu splodiet ukoll in-nefqa.
Sa Mejju li għadda, il-gvern kien diġà ħallas €13-il miljun lill-kuntratturi, u l-ispejjeż mistennija jibqgħu jiżdiedu sakemm aktarx jilħqu d-doppju tal-istima oriġinali, jiġifieri €18-il miljun.
Matul is-snin, Camilleri ma spjegax għalfejn il-proġett kellu daqshekk skossi u għalfejn sal-lum għadu ma tlestiex.
Kważi kull proġett Għawdxi mmexxi mill-Ministeru għal Għawdex qed jispiċċa jiswa lill-poplu ferm aktar milli kien allokat fil-bidu, filwaqt li jitlesta ferm u ferm wara d-data ppjanata, ħafna drabi bla spjegazzjoni.
Każ partikolari kien il-bini tat-triq ewlenija li tagħti għan-Nadur, li tlestiet erba’ snin tard u swiet id-doppju tal-baġit allokat għaliha.
Sal-lum għadu ma sar l-ebda awditjar tal-valur għal flus il-poplu li għandhom dawn il-proġetti, jew jekk in-nefqiet akbar li saru humiex ġustifikati.
Sign up to our newsletter Stay in the know
"*" indicates required fields
Jeffrey Pullicino Orlando se jsir ambaxxatur għall-Irwanda
Is-sejħa tax-Chalet ordnata tkompli għax il-gvern kiser ir-regoli tal-evalwazzjoni
Is-CEO Steve Ellul jaħtar lil oħt il-mentor tiegħu ma’ Infrastructure Malta
Tinħareġ notifika ta’ infurzar fuq id-dikjarazzjonijiet tal-assi li qed jaħbi l-PM
Other News
Jeffrey Pullicino Orlando se jsir ambaxxatur għall-Irwanda
Is-sejħa tax-Chalet ordnata tkompli għax il-gvern kiser ir-regoli tal-evalwazzjoni
Is-CEO Steve Ellul jaħtar lil oħt il-mentor tiegħu ma’ Infrastructure Malta
Tinħareġ notifika ta’ infurzar fuq id-dikjarazzjonijiet tal-assi li qed jaħbi l-PM
Il-kripta tal-Konkatidral: evidenza konvinċenti li tixħet dubji fuq id-deċiżjoni tal-Kummissarju tal-Ippjanar
It-tisbiħ tal-pjazza ta’ Buġibba: minn €1.7 miljun għal €10.6 miljun
Il-perita mressqa fuq it-traġedja ta’ Jean-Paul Sofia tingħata xogħlijiet ġodda mil-Lands
Il-perspettiva legali: Għalfejn il-Qorti tal-Appell ordnat lil Allied Newspapers tħallas €171,000 lil ġurnalist għal tkeċċija inġusta
Eks uffiċjal għoli tal-ħabs ġiet trasferita lejn il-Kunsill ta’ JPO b’kuntratt ta’ €61,000 fis-sena
‘Tentattiv iddisprat biex ikun hemm min jiskansa l-ħabs’ – Bonello dwar l-emenda tal-inkjesti maġisterjali
Konsulent tal-ARMS qed ‘jgħin’ lill-klijenti bil-kontijiet mhux imħallsin minn ġol-Kwartieri tal-Labour
